--Ads--
Binalakadan ti Philippine Consulate General idiay Barcelona dagiti Pilipino iti siudad nga agannad ken liklikan dagiti sumagmamano a lugar a makapadpadas iti riribuk.
Iti public service advisory nga inruar ti konsulado, kinunada a nakaawatda iti impormasion manipud Mossos d’Esquadra, ti kapulisan idiay Catalonia, mainaig kadagiti lugar a nasken a liklikan pay laeng dagiti Pilipino.
Karaman ditoy ti Plaça de Catalunya, Portal de l’Àngel, Gotic Area, ken Carrer de Pelai nga agturong idiay Plaça Universitat.
Daytoy ket mainaig iti security concerns ken dagiti insidente ti looting kadagiti nasao a lugar.
-- ADVERTISEMENT --
Agtultuloy nga imon-monitor ti konsulado ti sitwasion ken mangiruarda iti nayon a pakaammo no kasapulan.
