Inrugin ti imbestigasyon ti House of Representatives iti gandat a panagipuslit ti P3.5-B shabu manipud Laos nga agturong idiay Manila, no sadino ket manamnama a mangted ti report da Interior Secretary Jonvic Remulla ken Philippine Drug Enforcement Agency (PDEA) chief Isagani Nerez.
Mapagsasaritaan iti nasao a briefing dagiti verified information, progreso ti imbestigasion dagiti nadumaduma nga ahensia, posible a koneksion ti Pilipinas iti shipment, ken dagiti addang tapno malapdan ti iseserrek ti illegal a droga iti pagilian.
Binigbig ni Remulla ni dati a kameng ti parlamento ti Bangsamoro a ni Edriezan Hadji Nasser Rimbang a mapapati a financier ti operasion, idinto nga inbatad ti Criminal Investigation and Detection Group (CIDG) a saan a nagparang ni Rimbang ken tallo pay nga indibidual a napaayaban para iti imbestigasyon.
Inlawlawag pay ni Remulla a ni Executive M/Sgt. Aileen Mendoza ti Aviation Security Group gapu iti maipagarup a pannakairamanna iti panangurnos iti isasangpet ti eroplano, idinto a nakumpiskar dagiti otoridad ti Laos ti 521 a kilo ti shabu iti Luang Prabang International Airport idi Oktubre 1 sakbay a naikarga daytoy iti chartered jet nga agturong idiay Manila.
