Nangiruar ti Philippine National Police iti 40 subpoena mainaig iti imbestigasion iti gandat a panangipuslit iti Pilipinas ti 521 a kilo ti mapapati a shabu nga aggatad iti P3.54-B manipud iti Laos.
Karaman kadagiti 11 persons of interest ti dati a Bangsamoro Parliament member a maikonkonektar kas financier ti operasion, numan pay awan ti nairuar nga statement mainaig iti alegasion.
Agtultuloy a sapsapulen dagiti otoridad dagiti uppat a persons of interest ken napauneg pay ti imbestigasion tapno makita ti posible a lokal a network a karaman iti kaso.
Kabayatanna, impatawag ti House Committee on Dangerous Drugs dagiti opisial ti Department of Interior and Local Government ken Philippine Drug Enforcement Agency iti pakpakauna a briefing mainaig iti imbestigasion ken dagiti addang kontra iti transnational drug trafficking.
