Naragsakan ni House Deputy Speaker ken Zambales Rep. Jay Khonghun iti pannakakemmeg ni Atty. Levito Baligod ken 14 a kameng ti “maleta boys” mainaig iti kaso ti unjust vexation ken ti Cybercrime Prevention Act.
Nagtaud ti kaso kadagiti alegasion a panangiyawat kadagiti maleta a napno iti kuarta kadagiti sumagmamano nga opisial ti gobierno mainaig kadagiti mapagduaduaan a proyekto ti flood control.
Impaganetget ti mammanday-linteg a ti pannakaipaay ti arrest warrant ket saan a kayatna a sawen ti basol ag Sipud ta agdesision latta ti korte maibasar iti ebidensia.
Inallukoyna pay ti publiko a saan a mairaman ti intero a Philippine Marine Corps iti kontrobersiya tapno mataginayon ti reputasion dagiti soldado a napudno nga agserserbi iti pagilian.
~Bombo Kleo
