Nairekord ti PAGASA ti panagngato ti lebel ti danum iti innem kadagiti siam a kangrunaan a dam iti pagilian, idinto a tallo ti nakairekord iti panagbaba a naibatay iti datos.
Indauluan ti Caliraya Dam sadiay Laguna ti kadakkelan a panagngato ti lebel ti danum iti 0.40 metro, manipud 286.30 metro agingga 286.70 metro, idinto a simmaruno ti Ambuklao Dam iti Benguet nga ngimmato iti 0.14 metro.
Nairekord met ti Pantabangan Dam iti Nueva Ecija ti panagngato iti 0.05 metro, idinto a nagbaliw bassit ti lebel ti danum kadagiti dadduma pay a dadakkel a dam iti pagilian.
Bimmaba ti lebel ti danum iti Angat Dam idiay Bulacan iti 0.05 a metro, Binga Dam idiayt Benguet iti 0.08 a metro, ken ti Magat Dam idiay Isabela iti 0.13 a metro, idinto a nagtalinaed iti 79.44 a metro ti lebel ti danum iti La Mesa Dam idiay Quezon City.
via Bombo Cyrelle Ann Rosario
