--Ads--
Isingsingasing ni Parañaque 2nd District Rep. Brian Yamsuan ti House Bill No. 9473 nga agbalin a permanente a programa ti gobierno ti National Urban Agriculture and Peri-Agriculture Program ken masigurado ti agtultuloy a pondo daytoy.
Segun ken ni Yamsuan, dagiti bakante a lote kadagiti barangay ket mabalin nga usaren kas vegetable gardens tapno mapadur-as ti suplay ti nalaka ken nasustansia a taraon, kasta met ti matgedan dagiti pamilia nga aglaklako kadagiti apitda.
Insingasingna pay ti panagtitinnulong dagiti ahensia ti gobierno para iti pondo, trabaho ken panagsanay kadagiti moderno a pamay-an ti panagtalon.
~ Bombo Kleo
-- ADVERTISEMENT --
