Binalakadan ti Malakanyang ni Vice President Sara Duterte nga agtrabaho laengen para iti pagsayaatan dagiti Pilipino imbes a mangdadael ken paruaren a pagkaykaysaan isuna dagiti ahensia ti gobierno.
Sungbat dayta ti Malakanyang iti panangibaga ni Atty. Paolo Panelo, spokesperson ni VP Sara, nga adda mapapati a whole-of-government approach ti Marcos administration tapno dadaelen ti bise presidente ta malaksid iti impeachment trial ket adda pay dagiti kasona iti Ombudsman ken iti regular a korte.
Segun ken ni Palace Press Officer Atty. Claire Castro, ti whole-of-government approach nga inaramid ti gobierno ket tapno labanan ti epekto ti El Niño ken ti epekto ti krisis iti Middle East, saan ket a tapno husgaran ti maysa a tao.
Innayon ni Castro a no ania ti imbestigasion ti National Bureau of Investigation ket mayataday iti mandatoda a saan a rakraken wenno dadaelan ti maysa a tao.
