Impaganetget ni House private prosecutor ken legal a spokesperson a ni Atty. Benjamin “Jay” Tolosa Jr. nga awan ti pagibasaran iti Konstitusion ti singasing a mangikkat iti puesto ni Bise Presidente Sara Duterte ngem palubosanna latta nga agkandidato manen iti eleksion.
Segun ken ni Tolosa, kuna ti Artikulo XI, Section 3(7) ti Konstitusion a ti maysa nga opisial a naduktalan a nakabasol iti impeachment ket mabalin a madusa babaen ti pannakaikkat iti puestona ken pannaka-diskualipika iti panagtakem iti public office, malaksid pay kadagiti posible a criminal charges.
Kabayatanna, pinaglibakan ti kampo ni Duterte dagiti alegasion ket manamnama nga idatagda ti ebidensia da ta agtultuloy ti bista iti Senado, a mangikeddeng iti kaso a maibatay iti ebidensia ken iti Konstitusion.
~Bombo Kleo
