Pinatibker ti administrasion ni PBBM ti kampanya kontra illegal a droga kalpasan a masalamaan idiay Laos ti 521 kilo a droga nga aggatad iti 3.5 bilyon pesos ken a mapapati nga maipan ditoy Pagilian.
Segun kenni Interior and Local Government Secretary Jonvic Remulla, nagtitinnulong ti kameng ti Philippine National Police ken Philippine Drug Enforcement Agency tapno maamuan ti kinasiasino dagiti akin utek iti daytoy nga operasyon ken tapno malapdan ti operasyon a gandat nga panangi uneg iti droga ditoy pagilian.
Inruar ni DILG Secretary ti link chart nga mangipakpakita iti mapapati nga connection ti sangapulo ket maysa nga persons of interest iti nasao nga operasyon, manipod panangi book iti maysa nga private jet agingga iti gandat nga panagi serrek iti droga ditoy Pilipinas.
Kabayatan na, kinuna ni PNP CHIEF Police General Jose Melencio Nartatez Jr. nga addan iti Kustodiya ti pulisya dagiti persons of Interest, kabayatan nga mamonmonitor ti dadduma pay, ngem awan pay ti kaso wenno warrant of arrest kontra kadakuada isu nga haan pay nga mabalin nga maaresto dagitoy.
