Impaganetget ni UP Journalism Professor Danilo Arao a saan a rason ti kaadda ti rangkap tapno manguyaw wenno manginsulto iti pada nga adda rangkapna.
Dayta ket kasaruno ti panangamin ti maya kadagiti host ti podcast a Machong Chismisan nga agsagsagaba iti ADHD, a mangapektar iti abilidadna a mangkontrol kadagiti mapanunotna.
Iti pannaki-uman ti Bombo Radyo Vigan ken ni Arao, saan a nasken nga ipambar ti bukod a rangkap tapno ikalintegan dagiti naisawang a nakasakit iti rikna ti sabali a tao.
Kunana a no nagbiddut, nasken nga aminen ken buyogan kadagiti kongkreto nga addang tapno mailinteg dagiti nagkurangan.
Impaganetget pay ni Arao ti kinapateg ti panagbalin a nalawag kadagiti host kadagiti sumaruno nga addang nga aramidenda tapno mataming ti isyu, malaksid iti panagkiddawda iti pammakawan iti publiko.
Innayonna a no pudno ti panagkiddawda iti pammakawan ket nasken a makita kadagiti kongkreto a panagbaliw iti wagasda nga agpanunot ken wagasda nga agpakatawa.
Nagpanawagan ti propesor kadagiti content creator, nga agbalin a responsable kadagiti isawangda ta saan a gapu a komedianteda ket awanen ti limitasion ti panagpakatawada.
