Lukaten manen ti Commission on Elections (Comelec) ti local voter registration inton bulan ti Nobiembre kas panagsagana para iti 2028 national ken local elections.
Segun ken ni Comelec Chair George Erwin Garcia, target da a mapangato ti bilang dagiti rehistrado a botante manipud iti agduduma a paset ti pagilian wenno dagiti overseas voters agingga 1 milyon.
Innayon na a mangrugo ti local registration iti maikadua a domingo ti November 2026 ket maituloy ti agingga Hulyo 30, 2027 tapno adda naan-anay nga oras dagiti Pilipino nga agparehistro, umakar ti registration wenno ag-reactivate ti voting status da.
Iti nadakamat a panawen, ket adda pay naan-anay nga oras ti COMELEC a maipinal dagiti voters list, ag-print ti listaan dagiti botante ken palubosan dagiti kandidato tapno ma-verify dagiti registered electorate sakbay ti 2028 elections.
