Addan ti lead ti Commission on Elections kadagiti adda iti likudan ti pre-shaded a ballots a naduktalan idiay Maluso, Basilan, sakbay pay a maipasidong iti direkta a kontrol ti poll body ti nadakamat nga ili.
Segun ken ni Comelec Chairman George Erwin Garcia, pokusan ti imbestigasyon ti chain of custody dagiti balota tapno maammuan no sino ti nangiggem, nangiyakar ken adda legal na a possession kadagituy.
Pinasingkedan ni Garcia a tallopulo ket innem a karton ti pre-shaded ballots ti adda iti kustodiya ti Comelec Law Department.
Mangipatuloy pay daytoy ti formal notice iti sumagmamano nga indibidwal tapno agkiddaw ti pannakalawlawag kas paset ti imbestigasyon.
Innayon ni Garcia a saan a posible a maysa a tao laeng ti nag-tamper iti 16, 500 a balota gapu ta agkasapulan daytoy ti maysa a grupo ken lugar no sadino naisayangkat ti operasion.
