Saan a pinalubosan ti Sandiganbayan Second Division ti kiddaw ti Office of the Ombudsman nga ikkaten ni dati nga DPWH Secretary Manuel Bonoan kas akusado iti graft case a pakairamanan ni Sen. Jinggoy Estrada.
Gagem kuma ti Ombudsman nga aramiden nga state witness ni Bonoan tapno makatulong iti sabali pay a kaso nga adda pakainaiganna iti maanomalya a flood control projects.
Segun iti korte, mabalin a maapektaran ti depensa ni Estrada no naikkat ni Bonoan gapu ta na-arraign ti senador ken nakaibasar ti depensa na iti orihinal nga impormasion ti kaso.
Pinasinmgkedan pay ti Sandiganbayan a ti pannaka-ikkat ni Bonoan ket mabalin a mang-limit kadagiti depensa a mabalin nga aramaten ni Estrada ken maka-apekto iti pannakatratar iti akem da iti maipagarup a krimen.
