Ininspeksion dagiti mangibagi ti Office of the Ombudsman ti opisina nga imbati ni Senator Jinggoy Estrada.
Segun ken ni Senate Secretary Renato Bantug, awan ti naawat na a kiddaw manipud iti Commission on Audit (COA) para iti inspeksion, ngem kiniddaw ti komision a lawlawagen ti Senado dagiti pagannurotan iti daytoy a patangan.
Maipalagip nga idi kallabes nga aldaw, nakita ti nadakamat nga opisina a dandani awanen ti nagyan ti opisina kalpasan a naikkat dagiti muwebles, saksakan ti kuryente ken tiles.
Segun iti staff ni senador Estrada, kadawyan a maar-aramid iti Senado ti panagikkat dagiti fixture ken materyales manipud iti opisina a dati nga ar-aramaten ti maysa a senador.
Ti opisina ket nakatuding nga aramaten ni Senator Vicente Sotto III kalpasan a sukatan na ni Estrada kas Senate President Pro Tempore.
