VIGAN CITY – Maipalubosen iti ili ti Sta. Lucia ti panagparti ti baboy no la ket makita nga umuna a naimbag dagiti veterinarian ken mabalin laeng no adda okasyon ta idi kallabes ket adda ti naipatungpal a paglintegan nga awan pay laeng ti agparti ti baboy gapu iti African Swine Fever.
Iti pannaki-uman ti Bombo Radyo Vigan ken ni Mayor Joseph Simon Valdez, nasurok walo a milion a pisos ti pukaw dagiti agtartaraken manipud kadagiti siam a gasut uppat a pulo ket dua a baboy ti naidalan iti culling operation.
Nupay kasta, maiparit pay laeng ti panagtaraken ti baboy kas panangliklik iti virus a nagraira kadagiti nadumaduma a barangay iti nasao nga ili ta ti laengen Brgy. Cabaritan ti agtaltalinaed nga ASF free.
Kabayatanna, adda ti nakasaganan a badyet inton 2021 a maited kadagiti naapektaran a hog raiser nga aggapu iti munisipio ken iti provincial government.
