Kinemmeg dagiti agent ti Anti-Cybercrime Groups ti Philippine National Police dagiti innem a pulo ket siam a gangannaet a kaadoan ket Indonesian ken Chinese bayat iti raid a naisayangkat iti mapapati a love ken cyptocurrency scams hub idiay Malate, Manila.
Segun ken ni PNP-ACG Spokesperson Lt. Wallen Mae Arancillo, ti operasyon a naisayangkat ket nagtaud iti kumpirmado nga intelligence report iti operasyon ti live illegal online Love Scam and Cryptocurrency Investment Scam idiay Malate District.
Kinunana a gangannaet met laeng dagiti biktima ta apaman a maala dagiti scammer iti kayatda ket i-block dan dagiti biktimada.
Ti online scam hub ket naduktalan nga agop-operate iti nasurok makatawen manipod narevoke iti pertmitda idi November 8 idi napan a tawen.
Namin-ano a darasen a na-raid iti nasao nga scam hub idi kallabes.
