Impasigurado ti Philippine National Police ti panangpatalinaed ti nakappia a transport strike a nangrugi idi kalman ken malpas ita nga aldaw, Setyembre 15.
Segun iti PNP, nasurok 7, 000 a pulis ti naideploy iti Metro Manila.
Imbilin ni PNP chief Gen. Jose Melencio Nartatez Jr. dagiti police unit a mangidutok ti naan-anay a personnel ken alikamen kasta met ti pannakibinnulig kadagiti local government unit tapno matulongan dagiti commuter a mabalin a ma-stranded.
Karaman iti police deployment ti 11 drone operator para iti monitoring, 302 a personnel para iti reactionary support, 491 para iti civil disturbance management ken 1, 206 a naka-standby.
Indauloan ti grupo a Manibela ti transport strike kas protesta iti agtultuloy a panagngato ti presio dagiti produkto petrolyo.
