Nagpanawagan ni Senator Francis “Kiko” Pangilinan iti amin a paset a siguradoen nga agbalin nga husto, nasayaat, ken nakappia ti umuna a parliamentary elections iti Bangsamoro Autonomous Region in Muslim Mindanao wenno BARMM.
Kasaruno daytoy kadagiti damag ti gun violence ken kumarkaro a tension, mano nga aldaw sakbay ti nakatuding nga eleksion ita nga aldaw.
Inallukoy ni Pangilinan ti Commission on Elections (COMELEC), Philippine National Police (PNP), Armed Forces of the Philippines (AFP), dagiti kandidato, lokal nga opisial, community ken religious leader, supporters dagiti kandidato ken tunggal residente ti Bangsamoro nga aramiden ti husto a responsibilidad nga adda tured ken panang-respeto kadagiti kayat dagiti botante.
Innayon ti senador a masapul a mangegan ti boses ti tunggal ili babaen iti nawaya a panagaramat ti karbengan a bumotos.
