VIGAN CITY – Naitakedown ti social media giant a Meta ti limagasot a social media account a natakuatan a konektado iti ilegal a panagilako dagiti maladaga iti online kas pinasingkedan ti Department of Justice.
Ngem para kenni Justice Spokesperson Asec. Mico Clavano, ti nadakamat a bilang ket maibilang a bassit ta ado pay dagiti social media account nga agar-aramid metlaeng ti nadakamat nga liegal nga aktibidad.
Innayon ni Clavano a manarimaanen a makikamkammayet ti cybercrime division ti DOJ iti Makalakanyang idinto a ti National Bureau of Investigation ken ti Inter-Agency Council Against Trafficking ket makitintinnulong iti Meta inaig ti nasao a banag.
Kabayatanna, ipanpanawagan ti nasao nga ahensya iti Meta a maaddaanda pay ti ad-ado nga insiyatiba , programa ken mekanismo tapno masigurado a maipatungpal ti proteksyon dagiti agtutubo iti online.
