Kinumpirmaran ni Sen. Kiko Pangilinan a naduktalan ti Department of Agriculture a lima manipod 1,000 farm-to-market road projects ket ghost.
Pinasingkedan ni Pangilinan ti report ni DA Secretary Francisco Tiu Laurel Jr. nga adda 4,700 a farm-to-market roads nga inaramid ti DPWH a naipasidong iti audit a manamnama a maleppas iti umuna a quarter inton sumaruno a tawen.
Kinumpirmaran ni Pangilinan a gapu iti korapsyon, ikkatan ti Senado manipod DPWH ti P16 billion a budget para ti farm-to-market roads.
Kinunana a mayakar ti pondo iti DA a nabilin nga agpaaramid kadagiti kalsada ken maikkan ti pammalubos nga ipaaramid dayta kadagiti kualipikado a local government units.
Immunan nga imbutaktak ni Sen. Sherwin Gatchalian nga extremely overpriced ti adu a farm-to-market roads nga impaaramid ti DPWH idi 2023 ken 2024.
