Uppat a correction officers iti narelieve ken preventively suspended kalpasan ti pammagkong a napasamak iti New Bilibid Prison idiay Muntinlupa City a nakatayan ti maysa a person deprived of liberty ken nakadunoran iti dua pay a balud.
Dagiti nasuspenso ket da Correction Inspector Louie Rodelas nga acting commander iti guard; Correction Officers 1 Christian Alonzo ken Joshua Mondres, nga agpada a keeper iti Building 8; ken Correction Officer 1 Glicerio Cinco Jr. nga opisyal iti Gate 1 A.
Segun ken ni Bureau of Corrections Director General Gregorio Catapang Jr., masapul nga agbalin nga alerto dagiti personel ken agalibtak tapno mapasayaat ti safety protocols iti kustodiya dagiti inmates iti kada aldaw.
Ti stabbing incident ket napasamak iti alas syete iti bigat idi January 2 iti Gate 1 A iti Quadrant 4 iti Maximum Security Compound iti Bilibid.
Kiniddaw ti BuCor iti National Bureau of Investigation (NBI) ken Philippine National Police (PNP) a mangisayangkat ti parallel investigations inaig iti insidente.
