Agsagsaganan dagiti pagadalan iti intero a pagilian para iti panagakarda iti three-term school calendar iti School Year 2026-2027, kabayatan ti panangisayangkat ti Department of Education iti serye ti orientation para kadagiti mangisursuro ken dagiti school leader.
Gagem ti rollout a matulongan ti pannakaipatungpal dagiti reporma iti learning system ken nasapa a maisagana dagiti pagadalan kadagiti panagbal-baliw iti sumaruno nga school year.
Segun ken ni Education Secretary Sonny Angara, napateg dagiti orientation tapno mailawlawag kadagiti opisial ti pagadalan ken mangisursuro ti baro a pagannurotan sakbay a maipatungpal.
Karaman kadagiti napagpatangan ti three-term school calendar, baro a classroom assessment ken grading guidelines, ken Pinatibker ti Senior High School curriculum.
