--Ads--
Tallo a luxury vehicles a kukua da contractor couple a da Curlee ken Sara Discaya ti nailako iti auction ti Bureau of Customs nga aggatad ti kabuklan a kita a P25.7 milyon.
Dagiti nailako a lugan ket pakairamanan ti 2024 Lincoln Navigator a nailako iti gatad a P6,950,000, ti 2022 Bentley Bentayga a nailako iti gatad a P12,178,174 ken ti 2022 Cadillac Escalade ESV a nailako iti gatad a P6,623,000.
Iti kabuklan, nakaur-ur ti BOC ti P25, 771, 374, karaman ti registration fees ken maipasa iti Bureau of Treasury tapno pondoan dagiti proyekto ti gobierno.
Saan a nailako ti dadduma pay a luxury cars dagiti Discaya a pakairamanan ti Ferrari SF90 Stradale, Rolls Royce Phantom, Mercedes-Benz G650, BMW XM, ken dadduma pay.
-- ADVERTISEMENT --
