--Ads--
VIGAN CITY– Nasalamaan iti provincial quarantine office nga idaulwan ni Martel Quitoriano dagiti dua pulo ket uppat a ribo a piraso ti table eggs a linaon iti maysa a closed van a mailako kuma ditoy syudad ken idiay Laoag City babaen iti operasyon idiay Sta. Cruz.
Segun ken ni Quitoriano, linibasan dagiti pahinante ti nasao a closed van iti quarantine checkpoint isu a makumpiskar ta nalawag a panaglabsing iti ordinansa ti probinsiya ti napasamak ken napaneknekan nga awan iti dokumento dagiti produkto a maiserrek.
Ti agdama, maiyuray pay laeng iti desisyson iti provincial government nu siasino wennu anya nga organisasyon iti pakaiwarasan na dagiti nakumpiskar nga itlog.
-- ADVERTISEMENT --