Napilitan nga isardeng ti Swiss International Air Lines ti panag-take off ti maysa nga eroplano manipud iti Delhi a mapan Zurich kalpasan a maaddaan ti problema iti makina.
Segun iti airline, uppat a pasahero ken maysa a crew member ti nadunor iti insidente.
Basar iti imbestigasion, maysa a maipagarup a makina ti eroplano ti naggil-ayab bayat a pumarpardas iti runway, rason tapno kanselaen a dagus ti panagtayab na ken dagus a naisayangkat ti emergency evacuation.
Adda sakay na a 228 a pasahero ti eroplano, pakairamanan ti uppat a maladaga, 13 a crew members ti eroplano ken maya Airbus A330.
Temporario met a nagdeklarar ti emergency ti Indian Ghandi International airport kasaruno ti insidente ngem naisubli met laeng ti normal nga operasion ti runway.
