Nagyaman ni Department of Social Welfare and Development (DSWD) Secretary Rex Gatchalian kadagiti duapulo ket dua nga ospital, pharmaceutical firms, medical suppliers ken dadduma pay distributors a dumalan iti maysa a kolaborasyon kadua iti ahensya.
Ti addang ket tapno mapapigsa ti panagaramat ti guarantee letters (GLs) a maaramat iti publiko kas suportar kadagiti kasapulanda a medical assistance.
Segun ti secretary, babaen ti kolaborasyon ket agtultuloy iti panangted ti tulong kadagiti vulnerable sector iti kagimungan tapno makabaelan ken malasatanda iti sangsangwen a crisis.
Iti salinong ti partnership, maaramat dagiti guarantee letters tapno maaddaan ti access dagiti narigat a sektor iti medical care a pinansyal a sungbatan ti gobierno.
Gagemda a makaited iti napaspas ken nadaras nga access iti medical a kasapulan iti publiko kangrunaan kadagiti sumagmamano a maapektaran iti krisis iti pagilian.
Siguradoen ti DSWD a tapno naep-epektibo iti implementasyon ket maidalanen iti maysa nga automation ti Assistance to Individuals in Crisis Situations (AICS) a mabalindan a maaramat kadagiti billing process kadagiti ospital.
