--Ads--
Nadunor dagiti 2 a nagmotorsiklo gapu iti panagdinnungpar dagiti luganda iti Rizal Street, Barangay IV, Vigan City, Ilocos Sur.
Karaman iti aksidente ti maysa a Honda Click 125 a minaneho ti lalaki nga agtawen iti tallopulo ket tallo, taga-Barangay Mindoro, Vigan City.
Ti met Yamaha Sniper ket minaneho ti lalaki nga agtawen iti tallopulo ket uppat, taga-Barangay IV, Vigan City.
Agpapa-amianan ti Click idinto a nakasardeng ti Sniper iti sidewalk ket nag-U turn.
-- ADVERTISEMENT --
Kabayatan ti panagsikkona, nag-overtake ti Click iti lugan nga adda iti sangwananna isu a nagdinnungparda.
Nadunor dagiti nadumaduma a paset ti bagi dagiti drayber a naipaagas iti ospital para iti pannakatamingda.
