--Ads--
2 a drayber ti nadunor iti panagdinnungpar ti kurong-kurong ken motorsiklo iti national highway ti Barangay Angkileng, Sta. Lucia, Ilocos Sur.
Ti kurong-kurong ket minaneho ti maysa a babai nga agtawen iti innem a pulo ket maysa, taga-Barangay Banbanaba iti nasao nga ili.
Ti met motorsiklo ket minaneho ti maysa a babai nga agtawen iti limapulo ket maysa, taga-Barangay Ayusan.
Agpada nga agpapa-abagatan dagiti dua a lugan a ti motorsiklo ket sarsarunwenna ti kurong-kurong.
-- ADVERTISEMENT --
Ginandat ti motorsiklo ti ag-overtake iti sarsarunwenna, idin ta saan met a nagsenyal ti kurong-kurong ket bigla daytoy a nagsikko iti kannigid isu a nagdinnungparda.
Naipaagas iti ospital dagiti drayber para iti naan-anay a pannakatamingda.
