Maysa nga agtawen iti sangapulo ket siam a babai nga estudyante iti naireklamo ta saan a makagaraw ken makapagna ti maysa a baket a kalugaranna idiay Barangay Pudoc Norte, San Vicente, Ilocos Sur nasurok makabulan kalpasan iti panangiduronna.
Nagturong kadagiti otoridad idi April 21, 2025 ti maysa a babai nga agtawen iti uppat nga agnaed iti nasao a barangay ket impakaammona nga idi March 10, 2025 iti alas singko y media iti malem ket naiduron ti inana nga agtawen iti pitopulo ket tallo bbaen ti maysa nga estudyante a kalugaranda.
Naipan ti baket iti Provincial Hospital-Gabriela Silang para iti pannakatamingna ken nammoan a nagsagaba ti injury iti akin-kannawan a paset ti likodna wenno right neck femoral fracture ken nai-confine iti ospital iti lima nga aldaw.
Kalpasan iti pannaka-ospital ti baket ket naiyawid agingga saanen a makagaraw ken makapagna.
Kaso a serious physical injury ti sangwen ti nasao a babai.
