1,800 a pamilia idiay Manila iti naawanan ti pagtaengan gapu iti uram a napasamak iti Port Area ken Tondo.
Segun ti Bureau of Fire Protection (BFP), umabot iti pito nga oras iti uram a nakaapektaran iti duagasut a pagtaengan idiay Barangay 650 idiay Port Area.
Idiay Tondo ket nagpaut iti siam nga oras iti uram a nakaapektaran iti limagasut a pagtaengan ken P10 million a gatad iti sanikua idiay Barangay 123.
Dagiti naawanan iti pagtaengan ket 300 a pamilia idiay Port Area idinto a 1,500 a pamilia idiay Tondo.
Umabot iti duapulo ket dua a firetrucks manipod Manila Fire Department, duapulo ket siam manipod dadduma a fire districts ken rescue trucks iti nagresponde iti napasamak nga uram.
Kabayatanna, nagkari ti local a gobierno a mangipaay iti hot meals kada aldaw ken financial aid kadagiti naapektaran a residente.
