--Ads--
Umaboten iti sangapulo ket uppat a lokal a gobierno ti nagdeklarar ti state of calamity kalpasan ti magnitude 7.8 a ginggined a timmama iti sumagmamano a paset ti Mindanao.
Segun iti Office of the Civil Defense, pakairamanan kadagiti apektado a lugar ti sumagmamano nga ili ti Davao Occidental, Sarangani, ken South Cotabato.
Gapu ti deklarasion ti state of calamity, naparpardas ti panangipaay ti lokal a gobierno dagiti relief goods ken dadduma pay a kasapulan dagiti apektado a residente.
Inlawlawag met ti OCD a maipatpatungpalen ti price freeze kadagiti kangrunaan a magatang kadagiti apektado a lugar tapno maliklikan ti panagngato ti presio bayat nga adda iti tengnga ti krisis dagiti residente.
-- ADVERTISEMENT --
