Nakasagana ti Office of Civil Defense Region1 sipud pay Marso agingga Abril ita a tawen tapno solusyonan ti posible nga epekto ti El Niño iti rehion.
Iti pannaki-uman ti Bombo Radyo Vigan ken ni OCD Information Officer I Adreanne Pagsolingan, nangisayangkatdan iti taripnong tapno masigurado a dagiti member-agencies ket makaited ti mayannatup a tulong kadagiti lokal a gobierno ket mapalag-an ti epekto ti nasao a weather phenomenon.
Agsagsagana pay dagiti maseknan nga ahensia nga agrespinde iti ania man a posible nga epektona.
Iti agdama, awan pay ti nairekord a dakkel nga epekto ti Super El Niño iti rehion, kasta payen dagiti insidente nga adda pakainaiganna iti salun-at.
Nupay kasta, balbalakadan ti OCD-1 ti publiko a liklikanda ti rummuar iti tengnga ti aldaw, uminom ti adu a danum, agaramat iti sunscreen, ken agpayongda tapno masalwadan ti bagida iti nakaro a silnag ti init.
