Yamsuan, idurduronna ti pannakaipatungpal ti libre nga online-based counseling program kadagiti pampubliko a pagadalan

Idurduron ni Parañaque 2^nd District Rep. Brian Raymund Yamsuan ti pannakaipatungpal iti libre nga online-based counseling program kadagiti pampubliko a pagadalan iti intero a pagilian.

Dayta ti makitkita a wagas ni Yamsuan tapno mapapigsa ti serbisio ken suporta mainaig iti anti-bullying ken mental health dagiti estudiante.

Ti gakat a telecounseling program ni Yamsuan ket naipalaon iti impilana a House Bill 5240 a mangpalawa iti sakup ti maipatpatungpal nga school-based mental health support ken child protection initiative ti Department of Education (DepEd).

Babaen daytoy ket maala ti serbisio dagiti guidance counselor ken dagiti lisensiado a mental health professional para iti teleconsultation services kadagiti agad-adal.