Awan manen ti serrek kadagiti pagopisinaan ti gobierno inton bigat, Agosto 19 kalpasan nga imbilin ti Malakanyang ti work from home kadagiti government office iti National Capital Region ken sumagmamano a probinsia gapu ti manamnama nga agtultuloy a napigsa a panagtudo ken epekto ti Habagat.
Ti work from home ket nakaipalaon iti Memorandum Circular 129 a pinermaan ni Executive Secretary Ralph Recto, basar iti rekomendasion ti National Disaster Risk Reduction and Management Council.
Daytoy ti maikadua nga aldaw a naideklarar ti work from home kadagiti opisial ti gobierno.
Karaman iti sakop ti memorandum circular dagiti pagopisinaan iti Metro Manila ken ti probinsia ti Abra, Benguet, Ilocos Sur, La Union, Pangasinan, Bataan, Bulacan, Nueva Ecija, Pampanga, Tarlac, Zambales, Batangas, Cavite, Laguna, Rizal, Occidental Mindoro at Oriental Mindoro.
Ti panangsuspenso iti klase dagiti estudyante iti pampubliko ken pribado a pagadalan ket ipaiman ti Malakanyang kadagiti local chief executive.
