Indeklarar ti World Health Organization (WHO) ti international health emergency kalpasan a nagwaras iti Ebola iti Democratic Republic of Congo (DRC) a nakatayan iti walopulo a tattao.
Segun ti Africa Centers for Disease Control and Prevention, umaboten iti 88 ti kumpirmado a natay idinto a 336 iti mapagduduaan a kaso iti makaakar a hemorrhagic fever agingga Sabado.
Kinunana a ti nasao nga outbreak gapu ti Bundibugyo strain iti Ebola ket maysan a public health emergency of international concern, maikadua a kangatoan a lebel iti alerto iti salinong ti international health regulations.
Nagballaag pay ti WHO a mabalin a dakdakkel pay iti pudno a bilang dagiti kaso ken kalawa iti pannakaiwaras iti sakit ngem iti agdama a nairekord, no pay saan nga umabot iti lebel iti pandemic emergency.
Segun ken ni DR Congo Health Minister Samuel-Roger Kamba, awan ti bakuna wenno kangrunaan nga agas para iti Bundibugyo strain iti ebola.
Iti agdama, ti available laeng a bakuna ket para iti Zaire strain iti ebola ng immunan a nabigbig idi 1976 ken adda fatality rate-na nga umabot iti 60 agingga 90%.
