Nagballaag ti World Health Organization (WHO) a nadardaras nga agwaras ti Ebola virus idiay Democratic Republic of Congo (DR Congo) kumparar iti immunan nga outbreak iti makapatay a sakit.
Segun ken ni WHO Director-General Tedros Adhanom Ghebreyesus, umabot iti nasurok 2,000 a kaso ti Ebola ti nairekord iti pagilian pakairamanan ti 796 a natay, dua a bulan kalpasan a naideklarar iti outbreak.
Gapu dayta, maibilang ita iti bilanga maikatlo a kakaruan ti Ebola outbreak a nairekord iti pakasaritaan.
Kinuna ni Tedros a napaspaspas ti panagwaras ti agdama nga outbreak kumparar iti nakaru nga Ebola outbreak idiay Congo idi 2018 agingga 2020, nga umabot iti nasurok sangapulo a bulan sakbay a nakairekord iti 2,000 a kumpirmado a kaso.
Maipalagip a nairekord ti maika-17 Ebola outbreak iti DR Congo idi May 15 kalpasan iti sumagmamano a natay iti probinsia iti Ituri, maysa a lugar iti amianan a daya iti pagilian nga agtultuloy a makapaspasar iti ririboik gapu kadagiti armado a grupo.
