Nagpanawagan ni Pope Leo para iti international a panagtignay tapno makatulong iti pananglapped iti epekto ti Ebola idiay Democratic Republic of the Congo, a nakatayan ti nasurok 2,500 nga indibidual.
Segun kadagiti opisial ti United Nations, napaspas a nagwaras ti outbreak iti nalawa a paset ti nasao a pagilian iti central Africa ken nagbalin a rason iti record a bilang dagiti kaso ken pannakatay.
Nakalidayan daytoy ti Santo Papa isu nga iti kararagna ket masansan a lagipenna ti Democratic Republic of the Congo.
Daytoy ti maika-17 a panagraira ti Ebola idiay Congo, ken idi naudi a paset ti Hulyo ket nagbalin a kadakkelan daytoy iti pakasaritaan ti nasao a pagilian no panggep iti kumpirmado a kaso, a nangartap iti immuna a rekord manipud 2018 agingga 2020.
