Saan pay laeng a kinumpirmaran ti Department of Justice (DOJ) no adda arrest warrant a nairuar ken ni Senator Bato dela Rosa.
Kasaruno dayta iti kinuna ni dati a Presidential Spokesperson Atty. Harry Roque iti social media post a mapapa-annad ti senador ta addan iti warrant-na manipod iti International Criminal Court (ICC).
Binallaagan ni Roque ni Dela Rosa a saan nga agpakidnap ken impaganetgetna nga adda iti karbenganna a maipan pay iti korte iti Pilipinas.
Sakbay dayta ket impatangken ni Ombudsman Jesus Crispin Remulla nga adda warrant-n ken ni Sen. Bato.
Idi napan a bulan ket napan iti kampo ni dela Rosa iti Korte Suprema tapno bilinen ni Remulla nga iruar ti kopya ngem saan daytoy a napatgan.
Nairaman ni Dela Rosa iti kaso ni dati a Pres. Rodrigo Duterte iti ICC ta maysa isuna kadagiti nagpatungpal ti war on drugs.
