Pinasingkedan ni Senador Joel Villanueva nga adda walo a senador nga interasdo a manayonan ti pondo ti Office of the Vice President (OVP) para iti sumaruno a tawen.
Maipalagip a manipud iti orihinal a 2.03 bilion a pisos a nailatang para iti OVP iti sidong ti 2025 national expenditure program (NEP), kinisaayan ti Kamara iti maysa a bilion a pisos ken pinabassitda iti 733 milion a pisos.
Kayat ni Villanueva a manayon iti 150 million pesos iti agdama a 733 million pesos a naisingasing a 2025 budget ti OVP.
Kangrunaan a konsiderasion ni Villanueva dagiti empleado ti OVP a mabalin a maawanan iti trabaho kadagiti satellite offices gapu iti budget cut.
Impaganetget pay ti senador a ti nasurok 2 billion pesos original budget request ti OVP ket inaprobaran ti ehekutibo ken kunana dakkel unay ti inikkat ti Kamara.
Innayon pay ni Villanueva a saanna kitkitaen ti personalidad no di ket ti kasapulan ti maysa nga opisina.
