Inruar ti International Criminal Court (ICC) ti agenda para iti status conference iti kaso ni dati a Pres. Rodrigo Duterte inton May 27.
Segun ti international tribunal, nakapokusda iti panagsagana para iti trial iti kaso a crimes against humanity iti dati a presidente.
Karaman kadagiti patangan a matratar ket ti gakat nga aldaw para iti panagrugi iti trial, ti kaadu dagiti testigo ken ebidensya, expert witnesses, witness protection measures, disclosure obligations ken posible a nayon nga incidents a posible nga iraman ti prosecutors iti kaso.
Nangituding paten ti schedule iti Trial chamber para iti pannakatratar dagiti nagtulagan a facts, interpretation ken translation a kasapulan, partisipasyon dagiti biktima ken dagiti mosyon a kasapulan a solbaren sakbay a marugian ti trial.
Naipakaammo met iti umuna nga status conference para iti trial iti dati a presidente, no man pay segun kadagiti hukom, posible a maaramid a pribado ti sumagmamano a pasetna no kas bilang adda dagiti sensitibo nga isyu a maidanon mainaig iti seguridad dagiti testigo.
