Walo a tattao iti napatay ti Israeli troops gapu iti panangpaltogda kadagiti walo a Palestinian iti asideg ti humanitarian aid distribution center idiay Rafah, Gaza kas kinuna dagiti opisyal iti ospital ken Ministry of Health nga idadauluan ti Hamas.
Segun ti Ministry of Health, napasamak iti pammaltog iti alas sais iti bigat iti Al-Alam rounabout, laud a paset iti siudad ti Rafah, mapatta-patta a maysa a kilometro iti kaadayona manipod iti aid distribution center nga ibilbilang ti Israel Defense Forces nga active combat zone tunggal rabii nu nakasarra iti lugar.
Temporaryo nga insardeng ti Gaza Humanitarian Foundation a maysa nga organisasyon a suportaran ti Israel ken Amerika iti panagiwaras iti tulong idiay Gaza idi Biernes ket saan nga ammo nu kaano iti panaglukatda manen.
Segun ti United Nations ken dadduma pay a humanitarian group, agtultuloy nga adda iti peggad dagiti umili idiay Gaza gapu iti nakaru a panagbisin ta agtultuloy iti krisis.
Manipod May 27 ket naiyetnag ti aid distribution centers ngem nasurok sangagasut a Palestinians iti natay ken ginasut iti nadunor bayat ti panagalada iti taraon iti site.
