--Ads--
Agtutuon a kaso ti naipila kontra ken ni Vice President Sara Duterte ken dadduma pay nga opisial ti Office of the Vice President ken Department of Education iti Office of the Ombudsman.
Dagiti kaso ket impila dagiti dadduma a miembro ti civil society group ken personalidad manipud iti Simbaan.
Karaman ditoy ti kaso a plunder, bribery, malversation, graft, culpable violation of the constitution, ken betrayal of public trust.
Adda pakainaiganna daytoy iti saan a husto a pannakaaramat dagiti confidential funds a naitalek ken ni Duterte idi nagtakem kas mangidaulo iti Department of Education ken kas bise presidente.
-- ADVERTISEMENT --
