Saan a pinatulan ni Vice President Sara Duterte ti karit ti sumagmamano nga agpapanday-linteg nga agikkat iti puesto.
Daytoy ket gapu ti saanna a panagatendar iti panagdengngeg ti Kamara iti budget proposal ti Office of the Vice President (OVP) para iti sumaruno a tawen.
Iti press conference-na, inyunay-unay ni VP Sara a saan a sumungbat kadagiti ‘Young Guns’ no di ket sumungbat laeng kadagiti 32 milion a nangbutos kenkuana.
Segun ken ni VP Sara saan laeng a maysa wenno dua a tao ti nangikabil kenkuana iti posision.
Kabayatanna, mainaig iti panagkitada ken ni dati a Bise Presidente Leni Robredo idiay Naga City, Camarines Sur, kinuna ni VP Sara a saan laeng a ni Robredo a dati a bise presidente a sinarungkaranna, no di ket iti kinapudnona dagiti laeng ex-VP a saanna a nabisita ket da dati a VP Jejomar Binay ken Noli de Castro.
