VIGAN CITY – Kinontra ni Vice President Sara Duterte ti inyawag ni dati a presidential spokesperson Harry Roque kenkuana nga isu ti baro nga opposition leader kalpasan ti panagikkatna iti gabinete ti Marcos administration.
Iti sidelines ti maysa nga event idiay Cebu City, pinasingkedan ni Duterte a saan nga agtigtignay para iti administrasyon, oposisyon, wenno ania pay a pulitika ta ti tignayna ket maibasar no ania ti makatulong kadagiti umili ken no ania ti rebbengna para iti pagilian.
Kinontra pay da Albay Rep. Edcel Lagman, presidente ti Liberal Party, ken ni dati a senador Leila De Lima ti panagbalin nga opposition leader ti bise presidente.
Innayon ni Duterte a ti kangrunaan nga akmena ket ti naannayas a pannakai-turnover dagiti responsibilidad iti Department of Education iti baro a secretary a mapili ni Presidente Ferdinand Marcos Jr.
Maysa pay kadagiti ipangpangruna ti bise presidente ket dagit proyekto iti Office of the Vice President.
