Bimmisita ni Vice President Sara Duterte idiay Sarangani, Davao Occidental tapno komustaen dagiti agindeg a naapektaran iti napigsa a gingined iti nasao a lugar.
Makita kadagiti ladawan nga imbingay ti Sarangani Information Office a personal a kinomusta ti bise presidente dagiti pamilia a naapektaran iti didigra.
Nagyaman met ti lokal a gobierno iti panagbisita ken suporta ti bise presidente kadagiti agindeg.
Maipalagip a dinayyeg iti magnitude 7.8 a gingined ti Maasim, Sarangani idi Hunyo 8 a nangitunda iti nakaro a perdision kadagiti sumagmamano a paset ti Mindanao.
Immunan a bimmisita ni Duterte kadagiti dadduma pay nga apektado a lugar kalpasan ti gingined, kasaruno ti insigida a tulong ti Office of the Vice President kas dagiti relief goods ken mobile kitchen kadagiti apektado a pamilia.
