Naikkaten iti puesto dagiti uppat a fire officers a nag-refill iti danum iti maysa a private swimming pool idiay Taytay, Rizal kas kinuna ti Bureau of Fire Protection.
Segun ken ni BFP Spokesperson Supt. Annalee Atienza, naiyakar ti Fire Chief ken tallo a personnel iti sabali a fire stations iti probinsia bayat nga agtultuloy iti imbestigasyon.
Kinumpirmaran ni Atienza ti napasamak a panag-refill ken nakitada iti post.
Iti agdama ket dukduktalen dagiti otoridad nu siasino ti nangted ti pammalubos kadagiti fire officers ken nagaramid ti request tapno ag-refill bayat a mayur-uray ti palawag dagiti uppat.
Maipalagip nga imbilin ni Interior and Local Secretary Benhur Abalos iti BFP nga imbestigaran ti agwarwaras a ladawan a naaramat ti fire truck a nag-refill iti swimming pool iti Maharlika Village idiay Taytay.
