Kumbinsido ti pamilia ti lalaki a nangkettel iti bukodna a biag idiay Sta. Catalina, Ilocos Sur nga inaramidna iti nasao nga insidente idi kalman, June 14, 2026 gapu iti panagparparikotna iti kaso a sangsangwenna ken ti sakit a sagsagabaenna.
Ti lalaki ket agtawen iti limapulo ket innem, karpentero nga agnaed iti nasao nga ili.
Iti pannaki-uman ti Bombo Radyo Vigan ken ni PCpt Medel Perinion iti Sta. Catalina Municipal Police Station, iti imbestigasyon ket awan ti nakitada a foul play iti pannakatay ti biktima ta sakbay iti pananggibusna iti biagna ket nagbarbartek gapu iti mapapati a panagparikotna iti kaso a sangsangwenna.
Kinuna pay ti pamiliana a kalpasan it pannakakemmeg ti biktima iti kasona nga Statutory Acts of Lasciviousness idiay Pangasinan ket idi naiyawid iti probinsia isu iti pannakaduktal iti sakitna a mabalin a nangnayon pay iti pagparparikotanna.
Maipalagip a nasarakan laengen ti biktima nga awanen iti biagna a nakabitin babaen ti tali iti uneg ti kuartona iti pagtaenganda.
Inlawlawag pay ni PCpt. Perinion a ti dara nga immunan a nasarakan iti salas iti ground floor ket mapapati nga imbakwar iti biktima sakbay iti pananggibusna iti biagna.
