Bimmaba ti bilang dagiti Pilipino nga awan ti trabahona idi February 2026 kas pinasingkedan ti Philippine Statistics Authority (PSA).
Segun ti PSA, nairekord ti 5.1% unemployment rate idi February a nababbaba ngem iti 5.8% idi Enero.
Mangipasimudaag dayta a mapatta-patta a 2.66 million a Pilipino iti awanan ti trabaho, no yarig iti 2.96 million a nairekord idi napan a bulan.
Bimmaba pay iti 11.8% ti underemployment rate iti pagilian idi Pebrero, manipod iti 13.2% idi Enero.
Inlawlawag ti PSA a sakup dayta dagiti empleado nga adda trabahona ngem agsapsapul iti nayon a trabaho wenno ad-adu nga oras iti trabaho.
Segun ken ni PSA Undersecretary ken National Statistician Claire Dennis Mapa, umuna ti employment ti services sector kangrunaan iti industriya iti call center.
Nagballaag ni Mapa nga adda pangta iti agdama a sitwasyon pakairamanan iti epekto ti tensyon idiay Middle East iti suplay ken presyo iti langis, iti domestic inflaton ken ti karit iti panagala dagiti empleado iti masangwanan.
