--Ads--
Imbilin ni Tazanian President Samai Suluhu Hassan kadagiti amin nga opisyal iti gobierno nga agbiahe laengen iti maymaysa a bus para iti official travel-da tapno makissayan ti konsumo iti gasolina kasaruno iti agkurang a suplay gapu iti riribok idiay Middle East.
Segun ti energy regulator, ngimmina ti presyo ti gasolina iti 1/3 manipod idi Marso.
Masansan a ti entourage ti presidente ket bukbuklen iti tallopulo a lugan pakairamanan iti luxury SUV ken police outriders a masansan nga agresresulta iti nakaru a trapiko.
Maipalagip a ti pagkurangan iti langis ket gapu iti panagsarra iti Strait of Hormuz iti Iran, a pagdaldalanan iti 20% a langis ken gas iti intero a lubong.
-- ADVERTISEMENT --
