Nagballaag ti Department of Agriculture (DA) maipanggep iti posible a nakaru a panagbaba ti produksyon iti bagas iti pagilian a mabalin nga umabot iti 20 agingga 20% no saan nga agtignay iti gobierno.
Segun ti DA, dayta ket gapu iti panangpangato ti presyo ti abono gapu iti rinnupak idiay Middle East a gappuanan iti nangatngato a gastos iti produksyon ken adda pangta a makaapektar iti panagmula inton sumaruno a bulan.
Segun ken ni Agriculture Undersecretary Asis Perez, agpeggad dagiti mula a maimula inton Mayo ken Hunyo gapu iti pagkurangan iti nalaka nga inputs ken impaganetgetda iti insigida a pagkasapulan iti suportar dagiti mannalon.
Iti patta ket posible a mapukawan iti 2 million metric tons iti bagas wenno 20% production idinto a ti kadaksan a senaryo ket posible nga umabot iti 50% ti panagbaba a seryoso a pangta iti seguridad iti taraon iti pagilian.
